(၁)
စိတ်ကူးအရင့်အမာကြီးနဲ့ လွမ်းရတာက
တစ်ကမ္ဘာလုံးကို ထမ်းထားရတာထက်…
ပိုလေးတယ်။
(၂)
ကောင်မလေးရယ်…။
နောက်ကျခဲ့တာက
တစ်စုံတစ်ရာကို ချစ်ဘို့
… ငါတို့ ဘာမှ အဆင်သင့်မဖြစ်ခဲ့ကြတာ တစ်ခုပါပဲ။
(၃)
“ခေါင်းကလေး ဝင်ပါရစေ …”
(၄)
“လက်ကလေး … ဝင်ပါရစေ …”
(၅)
“ခြေထောက်ကလေး … ဝင်ပါရစေ”
(၆)
အချစ်ဟာ ကုလားအုတ်တစ်ကောင်ပါပဲ
ငါ့ရင်ဘတ် ရွက်ထည်တဲ့မှာ လာ မိုးခို၊
ငါကတော့ စွန့်လွှတ်ဘို့အတွက် သက်သက်ပဲ
ကြိုဆိုခဲ့တယ်…
“ဝင်ခဲ့လေကွယ်…”
(ရ)
ပြီးတော့
အဲဒီ ကုလားအုတ်ရဲ့ ခြေဖမိုးကို နမ်းရှုပ်
ရွက်ထည်တဲရဲ့ အပြင်ဘက်ကို
(ငါ့ဘာသာငါ)
သုံးရာသီလုံးလုံး နောက်ဆုတ်ပြီး ထွက်ခဲ့တယ်။
(၈)
ကြည့်စမ်း
ငါဟာ … ပိုးစိုးပက်စက် မြင့်မြတ်နေလိုက်ပုံများ။
(၉)
ကောင်မလေးရေ…
တို့တွေ နားလည်လိုက်ရအောင်။
မင်း နဲ့ ငါ တကယ်နားလည်သွားသလို ပုံမျိုးနဲ့
နားလည်ပစ်လိုက်ကြရအောင်လေ…။
မင်းခိုက်စိုးစန်
No comments:
Post a Comment
သူငယ်ချင်း များအားလုံးကျေးဇူးပါ