နေရာမှား

နေရာမှား

“တချို့လူတွေက တကယ့်ကို ခက်ခဲနက်နဲတဲ့ပြဿနာကြီးတွေကို အလွယ်လေး

ဖြေရှင်းသွားကြတယ်။ တချို့ကတော့အသေးအမွှားလေးပြဿနာလေးမှာ ဒေါသတွေထွက် ယောက်ယက်ခတ်ပြီး၊

ရေတိမ်မှာနစ်ကြရတယ်။” အဲဒါ ဘယ်လိုဖြစ်တာလဲလို့ ကျွန်တော် မေးကြည့်လိုက်ပါတယ်။

အောက်ပါပုံပြင်လေးကို ပြောပြပြီး၊ ကျွန်တော့်ရဲ့မေးခွန်းကို

ရာမတ်ခ်ျ ပြန်ဖြေပါတယ်။

“တခါတုန်းက လူတစ်ယောက်ရှိတယ်။ သူ့ရဲ့ဘဝတစ်ခုလုံးကို ကြင်နာတဲ့နှလုံးသားနဲ့

ဖြတ်သန်းအသက်ရှင်ခဲ့တယ်။ သူ သေဆုံးတဲ့အခါ ဒီလူ ကောင်းကင်ဘုံရောက်လိမ့်မယ်လို့ လူတွေအားလုံးတွေးကြပါတယ်။ ဒီလိုလူကောင်းတစ်ယောက် သွားရမယ့်နေရာက ကောင်းကင်ဘုံကလွဲလို့ မဖြစ်နိုင်ဘူးလို့

ဆိုကြပါတယ်။ ထိုလူဟာ ကောင်းကင်ဘုံကို အခက်အခဲမရှိရောက်သွားခဲ့ပါတယ်။

အဲဒီအချိန်ကကောင်းကင်ဘုံဆိုတာ အခုလို မဟုတ်ပါဘူး။ လက်ခံတဲ့ကြိုဆိုရေးကောင်တာ ထိထိရောက်ရောက်အလုပ်မလုပ်ပါဘူး။ကောင်တာက ကောင်မလေးက ထိုလူကို ကြည့်လိုက်၊ သူ့လက်ထဲမှစာရင်းကို ကြည့်လိုက်လုပ်ပါတယ်။

သူ့လက်ထဲမှစာရင်းမှ ထိုလူ့နာမည်ကို မတွေ့တဲ့အခါ ငရဲပြည်ကို သွားဖို့ပြောလိုက်ပါတော့တယ်။

ငရဲပြည်ရောက်တဲ့အခါဂိတ်မှာ ဖိတ်စာတွေ၊ အဆင့်အတန်းတွေကို စစ်ဆေးမနေပါဘူး။ အလှည့်ရောက်လာတဲ့လူကို ဝင်ခွင့်ပြုလိုက်တာပါပဲ။ထိုလူ့ အလှည့်ရောက်တဲ့အခါ သူ အထဲကို ဝင်ပြီး၊ နေလိုက်ပါတော့တယ်။

ရက်ပေါင်းအတော်ကြာတဲ့အခါ၊

ငရဲမင်းလူစီဖါ ကောင်းကင်ဘုံတံခါးရှေ့ကို ဒေါသတကြီး ရောက်လာပြီး၊ စိန့်ပီတာဆီမှာ ဖြေရှင်းချက်ပေးဖို့တောင်းဆိုပါတယ်။

“ခင်ဗျားရဲ့လုပ်ရပ်ကတော့ တကယ့်ကို အကြမ်းဖက်လုပ်ရပ်ပဲဗျ။”

လို့ ငရဲမင်း ပြောလိုက်တယ်။

စိန့်ပီတာကငရဲမင်းကို ဘာလို့ ဒီလောက်ဒေါသတကြီးဖြစ်နေတာလဲလို့ မေးပါတယ်။

ငရဲမင်းလူစီဖါက ဒီလိုပြန်ဖြေပါတယ်။

“ခင်ဗျား အဲဒီလူကို ကျုပ်ရဲ့ ငရဲပြည်ကို ပို့လိုက်တယ်လေဗျာ။သူက ကျုပ်ကို ပျက်စီးအောင် လုပ်နေတယ်ဗျ။သူရောက်လာတဲ့အချိန်ကစပြီး၊ သူများပြောတာကို နားထောင်ပေးတယ်။ လူတွေရဲ့ မျက်လုံးကို ကြည့်ပြီးစကားပြောတယ်။ နောက်တော့ လူတွေရဲ့ခံစားချက်တွေကို နားလည်ခံစားပေးတယ်။ ချစ်ခင်မှုကို ပြတယ်။လူတွေကို ဖက်တယ်။ နမ်းတယ်ဗျာ။ ကျုပ် ငရဲမှာ ဒီလိုအပြုအမူတွေကို မလိုချင်ဘူးဗျ။ ကျေးဇူးပြုပြီးသူ့ကို ကောင်းကင်ဘုံကို ခေါ်ပါတော့ဗျာ။”

ရာမတ်ခ်ျ သူ့ပုံပြင်လေးကို အဆုံးသတ်လိုက်ပါတယ်။ ကျွန်တော်ကို ချစ်ခင်စွာနဲ့ကြည်ပြီး ဒီလို ပြောလိုက်ပါတယ်။

“မင်းရဲ့နှလုံးသားမှာချစ်ခြင်းတရားကို ထည့်သွင်းပြီး၊ ဘဝကို

ရှင်သန်ပါ။ မှားယွင်းပြီး၊ ငရဲပြည်ကို

ရောက်ခဲ့လျှင်တောင် ငရဲမင်းကိုယ်တိုင် မင်းကို ကောင်းကင်ဘုံကို

လိုက်ပို့ပေးပါလိမ့်မယ်။”

( A Saint in the wrong place by Paulo Coelho ကို ဘာသာပြန်ဆိုပါသည်။ )

အလင်းသစ် ဘာသာပြန်သည်